LDK përfaqësohet nga Gashi në Konventën e Demokratëve
Lidhja Demokratike e Kosovës (LDK) ka njoftuar se me delegim të kryetarit të kësaj partie, Lumir Abdixhiku, Alush Gashi do ta përfaqësojë LDK-në në Konventën e Partisë Demokratike në Çikago të ShBA-ve.
Në njoftim thuhet se LDK-ja angazhohet për marrëdhënie të mira me të dy partitë e mëdha amerikane, si faktorë kontributdhënës historik në kauzën e Kosovës për liri, pavarësi e demokraci.
“Prof. Gashi, do të qëndrojë për katër ditët e punimeve të Konventës, ku pritet konfirmimi i kandidates për President nga radhët e demokratëve znj. Kamala Harris”, thuhet në njoftimin e LDK-së.
Në Konventën e Partisë Demokratike po merr pjesë edhe kryetari i Lëvizjes Vetëvendosje dhe kryeministri Albin Kurti.
Lexim me zë
Dëshiron ta dëgjosh këtë lajm me zë?