Kryeministri Albin Kurti në mbledhjen e e sotme të Qeverisë ka thënë se deri në fillim të gushtit duhet të hartohet projektligji për mbrojtjen e furnizimit të produkteve themelore.
Sipas tij, ky projektligj është i pashmangshëm për të adresuar gjendjen e krijuar në treg nga ngritja e çmimeve.
“Po përditësojmë agjendën legjislative që të hartojmë rregulla që do ta mbrojnë qytetarin nga vendosja e çmimeve të papërballueshme në sigurimin e furnizimit të ushqimit në produktet bazë. Për të adresuar gjendjen e krijuar në treg është e pashmangshme që projektligji për mbrojtjen e furnizimit me produktet themelore të hartohet sa më parë, konkretisht deri në fillim të muajit gusht, natyrisht të këtij viti”, ka thënë Kurti në mbledhjen që është duke vazhduar ende./21Media
