Lilo dhe Stitch mposhtin Tom Cruise

Ribërja e filmit me aktorë të njohur “Lilo and Stitch” e “Disney”-t dhe shfaqja që supozohet të jetë e fundit e filmit “Mission: Impossible” e Tom Cruise janë shfaqur si dy nga filmat më të mëdhenj të vitit në një fundjavë rekord në shitjen e biletave.

“Lilo dhe Stitch”, i cili rikthehen në skenë filmin e animuar të vitit 2002, i tejkaloi pritjet me një fitim prej 341 milionë dollarësh në të gjithë botën.

Mission: Impossible – The Final Reckoning, filmi i tetë i serialit, gjithashtu rezultoi një sukses me 190 milionë dollarë në shitjet e biletave.

Filmi i suksesshëm ka marrë disa vlerësime shumë pozitive, me Guardian që e quajti atë një “aventurë jashtëzakonisht argëtuese” në një vlerësim me pesë yje, dhe Vanity Fair që e përshkroi atë si “një lamtumirë e denjë”.

Megjithatë, jo të gjithë mbetën të mahnitur, me Hollywood Reporter që e quajti “një lamtumirë zhgënjyese”, dhe Mashable që tha se seriali rrezikonte të mbyllej me “rënkimin e shuar të një mesazhi vetëshkatërrues në një magnetofon”.

Ndërkohë, “Lilo and Stitch” është filmi më i fundit në një linjë të gjatë ribejsh të animacioneve të dashura të Disney-t dhe arriti hapjen e tretë më të mirë në shitjen e biletave pas “The Lion King” të vitit 2019 dhe “Bukuroshja dhe Bisha” të vitit 2017, tha Variety.

Në versionin e ri luajnë Courtney B Vance dhe Zach Galifianakis së bashku me tetëvjeçaren Maia Kealoha dhe një alien të arratisur të gjeneruar nga kompjuteri./21Media