Macron dhe Le Pen në balotazh për president të Francës
Macron dhe Le Pen u kualifikuan sot në mbrëmje për turin e dytë të zgjedhjeve presidenciale
Kandidati i qendrës, pro-evropiani, Emmanuel Macron dhe kandidatja e ekstremit të djathtë, anti-BE, Marine Le Pen u kualifikuan sot në mbrëmje për turin e dytë të zgjedhjeve presidenciale francese, sipas rezultateve të para.
“Favorit në këtë duel final, ish-ministri i Ekonomisë, Emmanuel Macron, 39 vjeç, kryesoi ndaj kandidates së ekstremit të djathtë, drejtueses së partisë Fronti Kombëtar, Marine Le Pen, 48 vjeçe”, sipas vlerësimeve të tre instituteve të sondazheve.