Mali i Zi i reagon Dodikut: Politikë e errët e shekullit të kaluar
Ministria e Punëve të Jashtme e Malit të Zi i ka reaguar deklaratës të presidentit të etnitetit të Bosnje e Hercegovina, Milorad Dodik, i cili tha se “serbët që jetojnë në Ballkan duhet të bashkohen në një shtet”, duke pretenduar se kjo mund të bëhet “me masa politike, jo me luftë”.
Këto deklarata Dodik i bëri në një intervistë për shërbimin e propagandës ruse “Sputnik”, shërbim ky që është i ndaluar në Bashkim Europian. Dodik tha se zgjidhja e vetme është bashkimi i “Republikës Srpska, Malit të Zi dhe Kosovës të bashkohen” në atë që ai e quan “Serbia e Madhe”,
Përmes reagimit Mali i Zi i ka rikujtuar që është shtet i pavarur dhe anëtar i NATO-s, derisa i ka bërë bërë thirrje atij të përmbahet nga retorika ekspansioniste dhe nacionaliste dhe të sillen politikisht dhe të përgjegjshëm, në frymën e marrëdhënieve miqësore”.
Më tej në deklaratën e MPJ- malazeze thuhet se vendi është i fokusuar në të ardhmen europiane dhe jo në ide retrograde, të cilat “jetojnë falë retorikës nacionaliste dhe aspiratave të politikanë të caktuar nga rajoni”.
“Nuk është hera e parë që e ardhmja e Malit të Zi është bërë objekt komentesh të papërshtatshme dhe të papranueshme për qëllime të situatave politike lokale në rajon, dhe/ose me qëllim të dëmtimit të qëllimshëm të marrëdhënieve të fqinjësisë së mirë, perspektivës europiane dhe sigurinë e rajonit, prandaj ftojmë z. Dodik të përmbahet nga retorika ekspansioniste dhe nacionaliste dhe të sillet politikisht dhe me përgjegjësi, në frymën e marrëdhënieve miqësore, siç ushqehen nga Mali i Zi dhe Bosnja e Hercegovina”, thonë në MP.
Saopštenje povodom izjave predsjednika 🇧🇦 entiteta Republika Srpska Milorada Dodika o Crnoj Gori.
📍Od krucijalne je važnosti da se naš region oslobodi retrogradne političke zaostavštine koju i dalje zagovara g. Dodik. pic.twitter.com/sNdL1uA9pJ
— MFA Montenegro (@MFA_MNE) October 28, 2023