​​Mbappe shënon golin e parë në Euro 2024, Polonia në disavantazh

(Lajm i përditësuar)


​Polonia rikthehet në lojë, Lewandowski i shënon Francës

Është shënuar edhe goli i dytë në stadiumin “Signal Iduna Park”, ku po luhet ndeshja e Euro 2024 mes Francës dhe Polonisë.

Kombëtarja e Polonisë ka arritur ta barazojë rezultatin në 1:1 në ndeshjen kundër Francës, falë golit të shënuar Robert Lewandowskit, raporton KosovaPress.

Lewandowski shënon në minutën 79’ nga penalltia për 1:1.

Golin e gjeni më poshtë.

CentreGoals. on X: “🚨🚨| GOAL; LEWANDOWSKI WITH THE EQUALISER!!! France 1-1 Poland https://t.co/b7lO37sUZS” / X


​Mbappe shënon golin e parë në Euro 2024, Polonia në disavantazh (VIDEO)

Është shënuar goli i parë në stadiumin “Signal Iduna Park”, ku po luhet ndeshja e Euro 2024 mes Francës dhe Polonisë.

Kombëtarja e Francës ka arritur të kalojë në epërsi prej 1:0 në ndeshjen kundër Polonisë, falë golit të shënuar nga Kylian Mbappe, raporton KosovaPress.

Mbappe shënon në minutën e 56’ nga penalltia për 1:0.

Golin e gjeni më poshtë.

CentreGoals. on X: “🚨🚨| GOAL; MBAPPÉ OPENS THE SCORING FOR FRANCE!! France 1-0 Poland https://t.co/XGdhSitKSe” / X


Euro 2024: Francë-Poloni dhe Holandë-Austri, përfundon pjesa e parë

Ka përfunduar pjesa e parë në dy ndeshjet që po zhvillohen aktualisht në kuadër të Grupit D të Kampionatit Evropian Euro 2024, ku vetëm një gol është shënuar deri tani.

Pas më shumë se 45 minutave lojë në stadiumin “Olympiastadion” të Berlinit, Austria po avancon 1:0 kundër Holandës, raporton KosovaPress.

Goli i vetëm deri tani ishte autogol, pasi që Donyell Malen shënoi në portën e tij në minutën e 6’ për ta kaluar Austrinë në epërsi.

Ndërkaq, pas 45 minutave lojë të zhvilluara në stadiumin “Signal Iduna Park” të Dortmundit, Franca dhe Polonia shkojnë në pushim duke barazuar pa gola, 0:0.

Pjesa e parë:

Franca 0:0 Polonia

Holanda 0:1 Austria


​Euro 2024: Formacionet zyrtare të Francës dhe Polonisë, ja vendimi për Mbappen

Sonte me fillim nga ora 18:00 stadiumi “Signal Iduna Park” do të jetë nikoqir i ndeshjes tejet interesante të Euro 2024 mes Francës dhe Polonisë.

Përballja e sotme, e cila zhvillohet në Dortmund, i takon Grupit D të Kampionatit Evropian Euro 2024.

Në ndeshjen e fundit të zhvilluar, Franca barazoi pa gola, 0:0 me Holandën, kurse Polonia pësoi humbje 1:3 nga Austria.

Momentalisht, Franca zë vendin e dytë në Grupin D me katër pikë, aq sa ka edhe Holanda në vendin e parë, kurse Polonia renditet e fundit me asnjë pikë.

Përballja e fundit mes këtyre dy kombëtareve daton në muajin dhjetor të vitit 2022, ku asokohe Franca e mposhti Poloninë 3:1.

Sa i përket ndeshjes së sotme, formacionet zyrtare janë publikuar dhe ato i gjeni më poshtë.

Franca (4-3-3): Maignan; Kounde, Upamecano, Saliba, Hernandez; Tchouameni, Kante, Rabiot; Dembele, Mbappe, Barcola

Polonia (3-4-2-1): Skorupski; Kiwior, Dawidowicz, Bednarek; Zalewski, Zielinski, Moder, Frankowski; Urbanski, Szymanski; Lewandowski

Back to top button