Mbretëria e Bashkuar ia bën të qartë Rusisë se ” i mbajnë autoritetet ruse përgjegjëse për vdekjen e Navalnyt”

Qeveria e Mbretërisë së Bashkuar ka “thirrur ambasadën ruse” për të bërë të qartë se ata “i mbajnë autoritetet ruse plotësisht përgjegjëse” për vdekjen e Alexei Navalny, raporton BBC , përcjell portali rtv21.tv

Vdekja e kritikut të Kremlinit duhet të “hetohet plotësisht dhe në mënyrë transparente”, thotë qeveria e Mbretërisë së Bashkuar në një deklaratë në faqen e internetit të Ministrisë së Jashtme., duke shtuar se “askush nuk duhet të dyshojë në natyrën brutale të sistemit rus”.

Ai shton se Navalny ishte një “njeri me guxim të madh dhe vullnet të hekurt”, përkushtimi i të cilit ndaj të drejtave të njeriut dhe ekspozimit të korrupsionit ishte një frymëzim për miliona njerëz”.

“Idealet për të cilat ai qëndroi dhe vdiq do të jetojnë përgjithmonë”.

Më herët, kryeministri Rishi Sunak e kishte quajtur vdekjen e Navalny si “lajm të tmerrshëm”, ndërsa Sekretari i Jashtëm Lordi David Cameron tha se Putin “duhet të mbajë përgjegjësi” për të./21Media