Më 12 qershor do të mbahet takimi i ardhshëm për paqe në Siri

Më 12 qershor do të mbahet takimi i ardhshëm për paqe në Siri

Një seancë e re bisedimesh në diskutimet e paqes për Sirinë, nën drejtimin e Rusisë, Iranit dhe Turqisë pritet të mbahet në mes të qershorit në kryeqytetin e Kazakistanit, njoftoi sot ambasada siriane në Moskë.

Damasku mori një ftesë për të marrë pjesë në takimin e radhës në Astana, më 12 dhe 13 të këtij muaji”, deklaroi ambasadori Riyad Haddad për agjencinë shtetërore të lajmeve “RIA Novosti”.

Dy burime të opozitës siriane u shprehën se nuk kanë marrë asnjë ftesë për momentin.

Rusia së fundmi bëri të ditur se kërkon një raund të ri negociatash në mes të qershorit, por pa dhënë datë të saktë. Kazakistani shteti pritës u shpreh se nuk mundet as të konfirmojë as të përgënjeshtroje për caktimin e një date të caktuar.