Mehaj: Garda Kombëtare e Iowa-s dhe FSK janë një trup i vetëm

Ministri i Mbrojtjes, Armend Mehaj, në 10 vjetorin e bashkëpunimit në mes Gardës Kombëtare të lowa-s dhe Forcës së Sigurisë së Kosovës, është pritur në Komandën dhe Shtabin e Përgjithshëm të kësaj garde, nga komandanti i saj gjeneral major Ben Corell dhe stafi i tij.
Sipas Mehajt, Garda Kombëtare e Iowa-s dhe Forca e Sigurisë së Kosovës, tani më janë një trup dhe shpirt i vetëm.
”Me gjeneral Corell u pajtuam që dy forcat tona për një dekadë të veprimit të përbashkët kanë arritur në stadin që të veprojnë si një trup i vetëm. Me këtë rast para seminarit të përbashkët mes dy delegacioneve ushtarake, gjeneral Corell me njoftoi me disa kapacitete të aviacionit të tyre. Falënderim dhe mirënjohje e përjetshme për gjeneral Corell dhe të gjithë ushtarakët e Gardës Kombëtare për kontributin e madh dhe të pazëvendësueshëm për 10 vite, në ngritjen, zhvillimin dhe avancimin e aftësive dhe kapaciteteve operacionale të FSK-së”, ka shkruar sot Mehaj në ”Facebook”./21Media