Meloni: Ne do të qëndrojmë krah Ukrainës, duhet të arrijmë objektivin tonë për armëpushim

Kryeministrja e Italisë, Giorgia Meloni, e cila ndodhet në Tiranë në kuadër të në kuadër të Samitit të Komunitetit Politik Evropian deklaroi se Italia qëndron përkrah Ukrainës.

Meloni u shpreh se plaga që ka sjellë agresioni rus në Ukrainë, mund të sjellë edhe kriza të tjera, por sipas kryeministres italiane e rëndësishme është që Evropa të qëndrojë e bashkuar.

Meloni shtoi se Ukraina është e gatshme për negociata, por Putin jo.

“Falenderoj Edin për mikpritjen dhe që më ka bërë. Uroj Edin edhe si fitues i zgjedhjeve. Shqipëria e organizon këtë samit për herë të parë. Ky është një moment shumë i rëndësishëm jo vetëm për shqiptarët por për të gjithë. Shqipëria është sigurisht Europë. Të gjitha ato shtete që janë rreth kësaj tryeze janë po aq europiane sa 27 shtetet e BE. BE është dëshira e familjes së bashkuar europiane. Popuj që kanë luftuar njëri-tjetrin, sot janë bashkë. Nëse duam të ndërtojmë Europën e re nuk mund ta bëjmë atë pa Ballkanin Perëndimor. Janë këta popuj që janë gishtat e kësaj dore. Për këtë arsye Italia është e angazhuar në Bruksel për Ballkanin Perëndimor në BE. Zhvillimi do të thotë edhe sfida të reja, por jam e bindur që kjo është për të mirën e sigurisë, kur po shohim çfarë po ndodh në kufijtë tanë. Plaga që ka sjellë agresioni rus në Ukrainë sjell efektin domino, mund të sjellë edhe çarje dhe kriza të tjera. Ne do të vazhdojmë të qëndrojmë krah Ukrainës dhe do bëjmë të pamundurën që kjo luftë të marrë fund. Nuk ka gjë më europiane se sa popuj që duan të vënë në rrezik për paqen e tyre. Ne duam liri. Zelensky, ne e duam lirinë tuaj siç e do populli juaj ukrainas. Ne e pamë këtë dje që ju ishit të gatshëm për negociata, dhe ai nuk ishte. Ajo që ndodhi dje mund të jetë një hap pas, por ne duhet të kemi vazhdimësinë për armëpushim. Duhet të arrijmë objektivin tonë”, tha kryeministrja e Italisë.