Mënyra për të parandaluar pickimet e mushkonjave

Në verë të gjithë kalojmë më shumë kohë jashtë, sidomos mbrëmjeve. Kjo na bën të ekspozuar ndaj pickimive të mushkonjave të cilat na shkaktojnë kruarje, bezdi, puçrra. Çfarë mund të bëjmë për t’i mbajtur sa më larg trupit tonë këto ‘zanzare të këqija’?
Përdorni vaj menteje
Vaji i mentes është po aq efikas sa spray-t në luftën kundër mushkonjave. Nëse vaji që ju keni është esencial, hollojeni në pak vaj ulliri për të evituar skuqjet e lëkurës. Gjithashtu mund ta kombinoni edhe me aroma të tjera, si limoni.
Mbani një ventilator afër
Nëse po hani darkë jashtë dhe mushkonjat nuk ju lënë rehat, mbani një ventilator afër. Mushkonjat, sipas Living, janë fluturuese të këqija, kështu që helika e ventilatorit i dëbon ato.
Limon dhe eukalipt
Nëse po kërkoni një zgjidhje natyrale për t’u mbrojtur nga mushkonjat, studimet kanë zbuluar se përdorimi i eukaliptit ofron mbrojtje deri në 12 orë. Dhe kur kombinohet me limonin ai kthehet në një produkt që i zhduk mushkonjat. Vetëm sigurohuni që të mos e përdorni tek bebat e vegjël.

 
Simptomat që tregojnë se jeni alergjik ndaj pickimit të mushkonjave
Disa simptoma mund të tregojnë se një person mund të jetë alergjik ndaj pickimit të mushkonjave.
Skuqja – Një shfaqje e papritur e gungave të fryra, të kuqe të zbehtë që kruhen në vendin e pickimit ose në të gjithë trupin mund të tregojë një reaksion alergjik.
Ënjtje në zgavrën e gojës, në vetë buzët dhe në fyt – çdo ënjtje e papritur e fytyrës tregon një reaksion serioz alergjik.
Të përziera – Nëse ndiheni të përzier pas një pickimi, mund të jetë gjithashtu një shenjë se jeni alergjik.
Marramendje – Nëse ndiheni të trullosur dhe nuk qëndroni dot në mënyrë të qëndrueshme, ndoshta është një reaksion alergjik.
Ethe – Nëse temperatura e trupit rritet papritmas, kjo është një shenjë që trupi juaj po lufton alergjitë.
Dhimbjet e kokës – Nëse ndodh me simptoma të tjera, një dhimbje koke e rëndë që ndodh papritmas mund të nënkuptojë se keni një reaksion alergjik. /21Media

Back to top button