“Mes Çarçafëve” vjen në Teatrin Kombëtar në këto data

Shfaqja “Mes Çarçafëve” do të jepet në Teatrin Kombëtar të Kosovës më datë 11 dhe 12 qershor.
Sipas njoftimit të faqes zyrtare, shfaqja nis në orën 20:00.
Në shfaqje luajnë Yllka Mujo e Ermira Hysaj.
“Është fundi i një mbrëmjeje takimi me prindër. Tereza, mësuesja e re, është gati të mbledhë sendet personale e të niset për në shtëpi, kur shfaqet Marion, nëna e njërit prej nxënësve, që do të zhvillojë një bisedë në lidhje me djalin e saj Aleks. Kjo është diçka e beftë për Terezën, meqë Marion nuk ka kërkuar takim dhe gjithsesi, të gjitha bisedat e mëparshme mbi Aleksin, Tereza i ka pasur me babanë e tij, Kurtis, bashkëshorti i Marion. Marion është krejt në dijeni të lidhjes së tyre dhe kjo gjë e ka indinjuar. Madje më tepër se kaq..”, përshkruhet shfaqja./21Media