Scholz: Jemi në anën e Izraelit, Irani po rrezikon një zjarrvënie të madhe

Kancelari gjerman Olaf Scholz ka reaguar pas njoftimeve se Irani kishte nisur dronë dhe raketa për ta sulmuar Izraelin.Scholz ka thënë se tani aleatët do të diskutojnë se çfarë do të bëhet më tutje.

“Sulmi ajror në territorin izraelit që Irani filloi mbrëmë është i papërgjegjshëm dhe nuk mund të justifikohet në asnjë mënyrë. Irani po rrezikon një zjarrvënie të madhe. Ne qëndrojmë ngushtë në anën e Izraelit dhe tani do të diskutojmë gjithçka më tej me aleatët tanë” ka thënë kancelari.

Ministrja e Jashtme e Gjermanisë thotë se sulmi i Iranit rrezikon të gjithë rajonin të zhytet “në kaos”

Ministrja e Jashtme gjermane Annalena Baerbock dënoi sulmin e Iranit ndaj Izraelit dhe tha se ai e vë një rajon të tërë në rrezik të zhytjes “në kaos”.

“Ne e dënojmë sulmin e vazhdueshëm në termat më të fortë të mundshëm, duke rrezikuar të zhysim një rajon të tërë në kaos,”  shkroi Baerbock në X.

“Irani dhe përfaqësuesit e tij duhet ta ndalojnë këtë menjëherë. Në këto orë, ne qëndrojmë fort pranë Izraelit.”