Muharremaj viziton Stivi Frashërin

Kryetari i komunës së Suharekës, Bali Muharremaj, ka vizituar  portierin e Ballanit, Stivi Frashëri, i cili e sulmuan dje nga tifozët e Gjilanit.
Në Facebook Muharremaj ka shkrar se Frashëri do të kthehet edhe më i vendosur në fushë, teksa bashkë me presidentin e klubit, Arsim Kabashin, i uruan atij që fitoret me klubin t’i vazhdojnë tutje.
“Stivi Frashëri, portieri i FC “Ballkani” do të kthehet edhe më i vendosur në fushë. Me Presidentin e Klubit Arsim Kabashin i uruam sonte, që fitoret bashkë me lojtarët e klubit të vazhdojnë më tutje. Secili qytetar në Komunën e Suharekës, secili tifoz i Xhebrailave, dhe secili sportdashës është sonte me Stivin. Do të kthehemi me dashuri, me përkushtim, dhe me profesionalizëm për të qenë gjithmonë qyteti i kampionëve”, ka shkruar Muharremaj në Facebook.
Deri tani janë arrestuar 5 persona të dyshuar për përfshirjen në sulmin e sotëm ndaj portierit të FC Ballkanit, Stivi Frashërit.
Për rtv21.tv e këtë e ka konfirmuar zëdhënësi i Policisë së Kosovës për rajonin e Gjilanit, Ismet Hashani, i cili ka treguar se dy nga të dyshuarit janë ndaluar për 48 orë për veprën penale “Lëndim trupor”, ndërsa tre të tjerë “prishje e rendit dhe qetësisë publike”, rasti procedohet në procedurë të rregullt./21Media