Ndalohet një veturë në Viti, policia gjen një revole

Policia ka njoftuar se sot rreth orës 14:10 njësitet policore nga Drejtoria Rajonale e Policisë në Gjilan gjatë një pike kontrolli në qytetin e Vitisë kanë ndalur për kontrolle rutinë një automjet me targa vendore të cilën e drejtonte i dyshuari A.J.

Policia njofton se gjatë kontrollit në automjet nga ana e zyrtarëve policorë janë gjetur dhe konfiskuar një  armë zjarri i llojit Zorki M-906-T e kalibrit 9mm, një  karikator dhe pesë  fishkë.

Të njëjtat do të përdorën dëshmi për gjykatën.

“I dyshuari është intervistuar në prani të avokatit mbrojtës dhe ndaj tij në konsultim me Prokurorin e Shtetit do të ngritët kallëzim penal për veprën penale ‘’Mbajtja në pronësi, kontroll ose posedim të paautorizuar të armëve’’”, thuhet tutje në komunikatën e Policisë së Kosovës.