Nesër bëhet ndarja e çmimeve në “Prishtina International Theater Festival”
Festivali Ndërkombëtar i Teatrove “Prishtina International Theater Festival” ka shënuar edicionin e pestë këtë vit. Edicion ky kushtuar regjisores së ndjerë, Burbuqe Berisha.
Ceremonia e ndarjes së shpërblimeve do të mbahet, të shtunën, më 04 dhjetor 2021, nga ora 20.30, në Teatrin Kamertal AAB, në Kolegjin AAB.
Në edicionin e pestë të PITF, i cili iu dedikua regjisores së ndjerë Burbuqe Berisha, në programin garues morën pjesë 5 shfaqje teatrore nga Turqia, Bulgaria, Serbia, Maqedonia e Veriut dhe Shqipëria.
Juria profesionale si dhe juria e studentëve e juria e medias, do të ndajnë këto çmime:
– Çmimi për shfaqjen më të mirë
– Çmimi për regjinë më të mirë
– Çmimi për aktorin më të mirë në rol dytësor, dhe
– Çmimin për aktorin më të mirë
PITF nisi më 29 nëntor./21Media