“Kënga Magjike 2022”, fitoi Marsela Çibukaj
(Lajm i përditësuar)
Marsela Çibukaj është fituesja e edicionit të 23-të të festivalit “Kënga Magjike”. Këtë çmim ajo e fitoi me këngën “I paftuar”.
Çmimin për artistin më të mirë të ri “Best New Artist” në edicionin 23-të të festivalit “Kënga Magjike 2022” e ka fituar Martin Pano, kurse çmimin e artistit të ri më të mirë ndërkombëtar, “Best New International” e fitoi grupi Mamagama nga Azerbajxhani.
Në këtë festival, çmimi i artistit më të mirë ndërkombëtar, “Big International” i përket kuartetit të vajzave nga Italia, Le Deva.
Ajo që fitoi çmimin kryesor, Marsela Çibukaj fitoi edhe çmimin “Big Artist”.
Anna Gjebrea performon në “Kënga Magjike”, Ardit Gjebrea: Jam baba i emocionuar
Arditit u shpreh krenar që Anna ia ka dalë të vijë në Pallatin e Koncerteve për të performuar falë talentit dhe punës, të njohura edhe nga profesionistët e huaj.
Ka filluar nata finale e festivalit “Kënga Magjike” në Tv Klan të Shqipërisë.
13 artistë shqiptarë dhe 10 të huaj, të rinj dhe të njohur do të votojnë njëri-tjetrin, do të votohen nga juria dhe publiku për të zgjedhur më të mirin në mesin e tyre.
Veç çmimit të madh, do të jepen çmime për muzikën më të mirë shqiptare, të huaj dhe për artistët e rinj më të mirë.
Atmosferë, emocion, energji dhe këngë të bukura do të sjell edhe këtë vit “Kënga Magjike” edhe përmes ekranit të RTV21./21Media