Takimi trepalësh në Bruksel, arrihet marrëveshja për të pagjeturit

(Lajm i përditësuar)

Takimi trepalësh në Bruksel, arrihet marrëveshja për të pagjeturit

Kryenegociatori i Kosovës Besnik Bislimi, pas përfundimit të takimit trepalësh në Bruksel ka bërë të ditur se është arritur marrëveshja për të pagjeturit.

“Jemi dakorduar në dhjetor të vitit të kaluar me versionin final të temave të referencës për aktivizimin e komisionit të përbashkët, pastaj ka pasur tendenca nga ana e Serbisë që të intervenojë në tekst dhe të fusë një paragraf ku në një lloj mënyrë fuqizohet roli dhe prezenca e UNMIK-ut, ne nuk kemi pranuar një gjë të tillë. Pas presionit të palës kosovare, z.Andin Hoti, kanë pranuar ta tërheqin”, ka thënë ai.

Nis takimi trepalësh në Bruksel në kuadër të dialogut Kosovë-Serbi

Një takim trepalësh mes kryenegociatorëve të Kosovës dhe Serbisë me të dërguarin e Bashkimit Evropian është duke u zhvilluar në Bruksel në kuadër të dialogut, të cilin e lehtëson blloku.

Sikur edhe herëve të mëparshme, së pari u zhvilluan takimet dypalëshe të përfaqësuesit të Posaçëm të BE-së për dialog, Miroslav Lajçak, me shefin e delegacionit të Kosovës, Besnik Bislimi, dhe me atë të Serbisë, Petar Petkoviq.

Takimi i përbashkët trepalësh mes tyre filloi pas orës 15:00./rel