Një i lënduar nga aksidenti mes dy veturave në Mitrovicë

Një person ka mbetur i lënduar si pasojë e një aksidenti mes dy veturave të ndodhur pasditën e sotme në rrugën “Dëshmorët e Kombit” në Mitrovicë.

Lajmin për portalin rtv21.tv e ka konfirmuar zëdhënësi i policisë për rajonin e Mitrovicës, Avni Zahiti.

“Aksident trafiku me lëndime i shkaktuar sot rreth orës 16:30 në rrugën “Dëshmorët e Kombit” në Mitrovicë. Në aksident janë përfshirë dy vetura, përveq dëmeve materiale lëndime ka pësuar një person”, tha Zahiti. /21Media