Një milion njerëz janë evakuuar nga Ukraina në Rusi

Rreth 1.02 milionë njerëz janë evakuuar nga Ukraina në Rusi që nga shpërthimi i luftës më 24 shkurt.
Kështu ka bërë të ditur ministri i Jashtëm rus, Sergei Lavrov.
Ky numër mendohet të përfshijë 120,000 të huaj dhe njerëz të evakuuar nga rajonet separatiste të Ukrainës të mbështetura nga Rusia, të ashtuquajturat republikat Popullore të Donetsk dhe Luhansk.
Lavrov përsëriti gjithashtu se mbështetja e zëshme e NATO-s për Ukrainën qëndron në rrugën e arritjes së një marrëveshjeje politike për t’i dhënë fund konfliktit.
Gjatë gjithë krizës është pretenduar se njerëzit janë zhvendosur në Rusi nga Ukraina kundër vullnetit të tyre, duke përfshirë fëmijë./21Media