Nuk raportohet për viktima në Lviv

Asnjë viktimë nuk është raportuar deri më tani në Lviv, kështu tha kryebashkiaku të premten në një postim në Telegram.
Ndërtesa e cila u godit është identifikuar si një fabrikë për mirëmbajtjen e aeroplanëve. Kryebashkiaku Andriy Sadovyi tha se puna aktive në uzinë ishte ndalur më parë.
Ai shtoi se ekipet e shpëtimit janë aktualisht në vend, transmeton rtv21.tv.
Lviv është vetëm 70 kilometra nga kufiri polak, shumë larg nga zonat kryesore të betejës në lindje dhe jug.
Zona kishte qenë relativisht e kursyer nga bombardimet, përveç pesë ditëve më parë kur pati një sulm të ngjashëm në një strukturë stërvitore ushtarake në Yavoriv, 30 kilometra larg Lvivit./21Media