Numri i të vdekurve nga përmbytjet në Spanjë rritet në 158

Paralajmërimet e motit për shi janë vendosur në të gjithë brigjet lindore dhe jugperëndimore të Spanjës, me një paralajmërim të kuq të lëshuar për qytetin port të Huelva.

Të paktën 158 njerëz kanë vdekur pas reshjeve rekord dhe përmbytjeve të mëvonshme; 155 persona në Komunitetin Valencian, dy persona në Castile-La Mancha dhe një në Andaluzi.

Ekipet e urgjencës po përpiqen të rivendosin shërbimet bazë në Valencia, raporton gazeta spanjolle El Pais.

Presidenti i Qeverisë së Valencias, Carlos Mazon, ka njoftuar 250 milionë euro ndihmë për të prekurit.

Zyrtarët nuk kanë bërë të ditur numrin e personave ende të zhdukur, por thanë se ka “shumë”, pasi numri u rrit me rreth 60 vdekje të tjera të enjten./21Media