Nxënësi largohet nga klasa për shkak të frizurës
Një nxënës shkolle me flokët me gërsheta është larguar nga klasa dhe është vënë në izolim pasi frizurat e tij janë cilësuar si ‘ekstrem’ nga mësuesit.
Lealan Hague, 14 vjeç, u vendos në ‘dhomën e reflektimit’ të Kolegjit të Komunitetit Exmouth, ku nxënësit vazhdojnë mësimet të izoluar, pasi mësuesit thanë se kishte një “problem me flokët e tij me gërsheta”, transmeton rtv21.tv.
Nëna e tij Kirsty e ka quajtur politikën e shkollës një ‘shaka absolute’ dhe beson se djali ka të njëjtën të drejtë të bëjë gërsheta si vajzat në shkollë.
Kirsty tha në atë kohë se nuk kishte zgjidhje tjetër veçse t’i priste flokët vetë, pasi sallonet ishin të mbyllura dhe se për shkak se tehu në prerëset e saj ishte thyer, ai i preu në zero.
Të nesërmen Lealan u lejua të dilte nga izolimi dhe të kthehej në klasë.
Andrew Davis, drejtor në Kolegjin e Komunitetit Exmouth, shpjegoi se shkolla kishte standarde të larta rreth pamjes së studentëve dhe prerja e flokëve të Lealan u konsiderua ‘shumë ekstreme’. Megjithatë, kur u shpjeguan rrethanat, ai tha se nuk ishte ndërmarrë asnjë veprim tjetër./21Media
Dëshiron ta dëgjosh këtë lajm me zë?