OKB: Lufta në Ukrainë ka shkaktuar valën më të madhe të refugjatëve që nga Lufta e Dytë Botërore

Pushtimi rus i Ukrainës ka shkaktuar valën më të madhe të refugjatëve që nga Lufta e Dytë Botërore, ka njoftuar Agjencia e Kombeve të Bashkuara për Refugjatët (UNHCR).
“Më shumë se 7.9 milionë njerëz janë larguar nga vendi deri më tani, dhe 5.9 milionë të tjerë janë zhvendosur brenda Ukrainës”, tha përfaqësuesja e UNHCR-së në Gjermani, Katharina Lumpp.
Bëhet fjalë për një total prej 14 milionë refugjatësh, që është më shumë se një e treta e popullsisë së përgjithshme të vendit. Ukraina ka 41 milionë banorë.