Olimpiku i kërkon falje gruas për humbjen e unazës së martesës në Seine

Kërcyesi italian Gianmarco Tamberi i ka kërkuar falje gruas së tij pasi humbi unazën e martesës gjatë ceremonisë së hapjes së Lojërave Olimpike të Parisit.

32-vjeçari kampion i botës po valëvitte flamurin për Italinë, teksa anija me atletët e saj lundroi në lumin Seine, kur unaza i rrëshqiti nga gishti, përcjell porali rtv21.tv

“Më fal dashuria ime, më vjen shumë keq”, ka shkruar ai në Instagram në një postim kushtuar bashkëshortes së tij, Chiara Bontempi Tamberi.

Atleti fajësoi “humbjen e shumë kilogramëve” dhe “entuziazmin e papërmbajtshëm” për fatkeqësinë.

“Nëse do të duhej të ndodhte, nëse do të më duhej ta humbja këtë unazë, nuk mund të imagjinoja një vend më të mirë”, shkroi ai, duke pretenduar se unaza tani do të “mbetej përgjithmonë në shtratin e lumit të qytetit të dashurisë”.

Ai e quajti fatin e keq “poetik” dhe sugjeroi që të hidhnin edhe unazën e Kiarës në lumë.

“[Atëherë] ata do të jenë bashkë përgjithmonë dhe ne do të kemi një justifikim më shumë për të rinovuar zotimet tona dhe për t’u martuar përsëri,” tha ai.

“Vetëm ti mund ta kthesh këtë në diçka romantike”, ka shkruar Chiara nën kërkimin e faljes së të shoqit.

Dyshja janë martuar që nga shtatori i vitit 2022.

Tamberi ishte duke valëvitur flamurin e Italisë së bashku me tri herë fituesen e medaljeve olimpike Arianna Errigo kur unaza ra, u hodh nga varka dhe u zhduk në lumë.

Ai e përshkroi atë si “disa momente që zgjatën përgjithmonë”.

Tamberi më parë doli në kryetitujt e Lojërave Tokio 2020 pasi ndau medaljen e artë të kërcimit së larti me Mutaz Essa Barshim të Katarit. Të dy vendosën të mos shkojnë përtej shiritit 2.37 metra që kishin pastruar.