Osmani: Shteti ynë është shtëpi e përbashkët e të gjitha komuniteteve
Presidentja e Kosovës, Vjosa Osmani ka uruar ditën e komunitetit egjiptian të Kosovës.
Sipas Osmanit, komuniteti egjiptian i Kosovës reflekton jo vetëm diversitetin e shoqërisë së Kosovës, por edhe rëndësinë e unitetit dhe solidaritetit.
”Shteti ynë është shtëpi e përbashkët e të gjitha komuniteteve, pavarësisht dallimeve. Komunitetit egjiptian është pjesë e historisë së suksesit të shtetndërimit tonë, sikurse edhe e jetës institucionale. Gëzuar ditën e komunitetit egjiptian të Kosovës!”, ka shkruar Osmani./21Media