Osmani takohet me kryediplomatin kenian, paralajmëron vizitë në Kenia

Presidentja e Ksoovës, Vjosa Osmani është takuar me ministrin e Jashtëm të Kenisë, Musalia Mudavadi, në Turqi ku shkoi për të marrë pjesë në një forum.

Osmani tha se e ka falënderuar atë për vendimin për njohjen e pavarësisë së Kosovës, ndërsa tha se me të ka folur për fushat e bashkëpunimit mes dy vendeve.

Ajo tha se këto do t’i konkretizojnë gjatë një vizitë që e paralajmëroi në Kenia.

“Pas vendimit historik për njohjen e Kosovës nga Kenia, në Turqi u takova me Ministrin e Jashtëm të Kenias, njëherësh Kryesekretarin e Kabinetit Presidencial, z. Musalia Mudavadi, të cilin e falënderova edhe një herë për këtë hap të rëndësishëm, i cili kontribuon për paqen e stabilitetin afatgjatë në rajonin tonë. Diskutuam për fushat e bashkëpunimit me interes të përbashkët, të cilat do t’i konkretizojmë gjatë vizitës zyrtare në Kenia dhe përgjatë rrugës sonë të përbashkët si aleatë dhe partnerë”, ka shkruar ajo në “X”.

Following Kenya’s historic decision to recognize Kosovo, I met with Prime Cabinet Secretary and Cabinet Secretary for Foreign and Diaspora Affairs @MusaliaMudavadi in Türkiye to express our deep gratitude for this important step — one that advances lasting peace and stability in… pic.twitter.com/836JTfQ4U6

— Vjosa Osmani (@VjosaOsmaniPRKS) April 12, 2025

Kenia njohu pavarësinë e Kosovës muajin e kaluar, duke u bërë kështu shteti i 118-të që e njeh Kosovën.