Osmani thotë se tetori nuk është vetëm muaj i vajzave

Me këtë rast Presidentja e Kosovës, Vjosa Osmani tha se vajzave duhet t’ua krijojmë mundësinë që të mund ta realizojnë potencialin e plotë.

“Sa më të fuqishme vajzat e sotme, më të fuqishme janë gratë e së nesërmes. Tetori nuk është vetëm muaj i vajzave, por edhe i ndërgjegjësimit për personat me sindromën Down. Ata janë si ne, të ngjashëm, të ndryshëm, por të barabartë. Për këta fëmijë nuk mjafton e as nuk duhet të jetë vetëm një ditë. Fëmijët me sindromën Down kanë nevojë për përkrahjen tonë çdo ditë. Çdo ditë e tyre është ditë e jona, e çdo ditë e jona vë në qendër të vëmendjes kujdesin ndaj tyre”, ka shkruar Osmani në Facebook.

Organizata e Kombeve të Bashkuara 11 tetorin e ka përcaktuar si Ditën Ndërkombëtare të Vajzave.
Kjo është vendosur për herë të parë në vitin 2012./21Media