Osmani uron Vitin e Ri: Ta luftojmë femicidin
Presidentja e Kosovës Vjosa Osmani, ka uruar që vitit 2023 të jetë vit i veprimit për arritjen e synimeve.
Osmani vitin 2022 e ka cilësuar si vit të jo të lehtë me sfidat globale që “kanë ndikuar në krizë ekonomike e të energjisë të cilat janë ndier nga secila familje në Kosovë”.
Osmani ka bërë thirrje që të luftohet femicidi, në adresimin e saj drejtuar qytetarëve për Vitin e Ri 2023.
“Sot s’mund të mos flas edhe për dhimbjen e përjetuar e të mos përmend ata që s’janë më në mesin tonë. Dua të kujtoj gratë e vajzat që u bënë viktimë e femicidit, fenomenit të tmerrshëm që duhet ta luftojmë të gjithë së bashku. Keqtrajtimi i grave në shoqërinë tonë e mbarë botën po shndërrohet në epidemi. Prandaj duhet ta trajtojmë si emergjencë kombëtare. Në këtë përpjekje kemi nevojë për angazhimin e të gjithëve, politikanëve, institucioneve të drejtësisë, sigurisë, punëtorëve socialë, aktivistëve të shoqërisë civile e mediave. Duhet të shndërrohet në kauzën tonë të përbashkët. Lufta për barazi gjinore duhet të jetë lufta jonë e çdoditshme”, ka thënë Osmani në adresimin e saj drejtuar qytetarëve për Vitin e Ri 2023.
Osmani po ashtu ka thënë se Kosova ka shënuar arritje e suksese të shumta, por sipas saj duhet të punohet gjithmonë e më shumë për të tjera arritje.
E para e vendit ka falënderuar aleatët ndërkombëtarë për mbështetje, ndërsa falënderim të veçantë ka pasur për Policinë e Forcat e Armatosura./21Media
Osmani po ashtu ka thënë se Kosova ka shënuar arritje e suksese të shumta, por sipas saj duhet të punohet gjithmonë e më shumë për të tjera arritje.
E para e vendit ka falënderuar aleatët ndërkombëtarë për mbështetje, ndërsa falënderim të veçantë ka pasur për Policinë e Forcat e Armatosura./21Media