“Pa Vend”, filmi i parë kosovar pjesë e garës zyrtare në Festivalin e Kanës

 
Pas filmit debutues që theu akullin dhe arriti të fus filmin e parë të Kosovës në Berlinale, filmi i dytë i regjisorit Samir Karahoda bëhet filmi i parë nga Kosova që përzgjidhet në mesin e 10 filmave të shkurtë që do të garoj për ‘Palmën e Artë’ në garën zyrtare të festivalit më prestigjioz në botë, atë të Kanës.
Në Ministrinë e Kulturës, Rinisë dhe Sportit, sot kanë pritur në takim regjisorin e këtij filmi, Samir Karahoda, dhe producentin, Erroll Bilibani.
Ata u takuan me Ministrin, Hajrulla Çeku ndërsa u diskutua për fushën e kinematografisë, sukseset e filmave shqiptar dhe natyrisht nominimin e tyre të fundit për të cilin i uruam suksese të mëtutjeshme.
“Pa Vend” sjell rrëfimin e klubit më të suksesshëm të ping pongut nga Prizreni ‘Lidhja e Prizrenit’ duke rikrijuar historinë e protagonistëve nga paslufta në kontekstin e situatës së sotme./21Media