Pacolli: Kosovës i duhet ndryshimi

Pacolli ka përgëzuar Lëvizjen Vetëvendosje

Presidenti i AKR-së Behgjet Pacolli një ditë pas zgjedhjeve nëpërmjet një postimi në Facebook ka dhënë detaje për rolin e AKR-së dhe për rezultatin e votave. Ai  njëherish ka përgzuar Vetvendosjen  duke bërë njëkohesisht te ditur se AKR ka negociar me VV-në dhe siç thotë ai urat kanë mbetur të ngritura.

Sipas Pacollit, AKR ka pasur  rol kyç në të kaluarën dhe në të ardhmen politike të Kosovës!

Ai ka thënë se i mirëpret ndryshimet që janë bërë në Kosovë si dhe ka përgëzuar Lëvizjen Vetëvendosje për rezultatin e lartë në këto zgjedhje.

“AKR forca përcaktuese e çdo konfiguracioni të ardhshëm Zgjedhjet e djeshme dhanë rezultatin që donte qytetari, dhe që për disa elemente, ishte surprizë.  Për disa elemente të tjera nuk ishte. Fitoi fryma e ndryshimit. Votuesit e partive shqiptare kundër establishmentit që ka dominuar Kosovën tash dhjetë vjet, janë më shumë sesa gjysma e numrit tërësor të votuesve. Vetëvendosja që ishte koherente, e palëkundur në këtë qëndrim rezultoi partia numër një dhe për këtë meriton çdo lëvdatë” tha ai.

Ndersa sa i perketë AKR-se, sipas Pacollit partia e tij nuk arriti rezultatin që meriton për shkak të vështirësive që ka patur votuesi për t’u orientuar në koalicionet e krijuara, problemeve në një fushatë komplekse, etj.

Pacolli ka treguar se AKR ka  negociar me VV-në dhe siç thotë ai urat kanë mbetur të ngritura.  “AKR si pjesë e frymë s për ndryshim ka negociuar prej një kohe bukur të gjatë me Lëvizjen Vetëvendosja. Kemi arritur përputhje relativisht të madhe në programe. Nuk kemi parë ndarje postesh, por konvergjim programesh. Kemi patur divergjenca për rolin e shtetit në ekonomi, por dhe për raportin me perëndimin. Unë punova njëkohësisht për krijimin e një fronti të madh për ndryshimin, që të përfshinte dhe LDK-në. Nuk arritëm dot për shumë arsye, por urat kanë mbetur të ngritura. Më vjen mirë që më në fund dhe zotëri Kurti në një mesazh publik për miqtë tanë perëndimorë e rikonfirmoi këtë orientim :  Kosova do ruajë raportin e privilegjuar me Perëndimin, me ata që e çliruan, duke ndërtuar një shtet serioz, të pakorruptuar që nuk abuzon me ndihmën perëndimore. AKR e rikonfirmon fuqishëm bindjen e vet se Kosovës i duhet ndryshimi i madh. Forcat e ndryshimit janë më shumë sesa gjysma e elektoratit” ka shkruar mes tjerash Pacolli në postimin e tij, duke perfunduar se  AKR është e gatshme që të luajë rolin që i lipset vendit./21Media

Back to top button