Pamje nga operacionet e FSK-së që vazhduan edhe gjatë natës

Pas vërshimeve që kanë kapluar vendin si pasojë e reshjeve të shumta, Forca e Sigurisë së Kosovës ka publikuar pamje nga puna e saj në terren me ekipet e Kërkim Shpëtimit në ujëra.
FSK, përmes një postimi në rrjetet sociale njoftoi se operacione të shpëtimit po zhvillon në Skenderaj, Istog, Klinë e Mitrovicë.
“Forca e Sigurisë së Kosovës me ekipet e saj të Kërkim Shpëtimit në ujëra, pas situatës së rënduar të përmbytjeve në vendin tonë, ka ngritur gatishmërinë operacionale, duke marrë pjesë në operacionet e shpëtimit të jetëve të qytetarëve në zonat e prekura Skenderaj, Istog, Klinë dhe Mitrovicë.”, thuhet në njoftim.
Më tej, FSK siguron qytetarët se është përgatitur dhe gatshme që të mbështes autoritetet civile në përballje me situatën e krijuar nga vërshimet e ditëve të fundit./21Media