Pandemia COVID-19, shkak i mosimplementimit të Ligjit për mbrojtjen e fëmijës
Vetëm nëntë Udhëzime administrative janë miratuar nga qeveria për zbatimit në plotëni të Ligjit për Mbrojtjen e Fëmijës. Pandemia COVID-19 e ndërrimi i qeverisë, janë dy nga shkaqet që ndikuan në mosimplementimin e tërësishëm të këtij ligji. Kështu u tha në Komisionin për të Drejtat e Njeriut, ku u takuan me përfaqësuesit e Zyra për Qeverisje të Mirë (ZQM), Save the Children dhe KOMF-it.
Kryetarja e Komisionit për të Drejtat e Njeriut, Duda Balje tha se Ligji për Mbrojtjen e Fëmijës po monitorohet nga komisioni.
Qendresa Ibra nga Zyra për Qeverisje të Mirë tha se Udhëzimet administrative që kanë hyrë në fuqi po zbatohen në masë të madhe.
Ajo përmendi pandeminë e ndërrimin e qeverisë që kanë ndikuar për moimplementimin e tërësishëm të ligjit.
Tutje, Ibra shtoi se është edhe një Udhëzim administrativ i cili nuk është aprovuar dhe është nën përgjegjësinë e Ministrisë së Arsimit.
Bukureza Surdulli nga Koalicioni i Organizatave për Mbrojtjen e Fëmijëve (KOMF) tha se gjatë monitorimit kanë vërejtur se Ligji nuk po zbatohet në masë të madhe.