Parashikimi i motit për pesë ditët e ardhshme

Instituti hidrometeorologjik i Kosovës ka bërë të ditur se në pesë ditët e ardhshme do të mbajë mot mjaft dinamik, i shoqëruar edhe me erëra në formë stuhish, me shi dhe vende-vende parashihen edhe reshje breshëri.
Vendi ynë do të ndikohet nga masat e ajrit me presion të ndryshueshëm atmosferik dhe sipas intitutit kjo situatë vije si pasoj e fushave të fuqishme termike të ardhura nga Afrika Veriore, të cilat mbizotëruan ditëve të fundit mbi gadishullin tonë.
Temperaturat minimale gjatë këtyre pesë ditëve të parashikimit do të lëvizin ndërmjet 12-16 gradë Celsius,ndërsa maksimalet e ditës parashihen të lëvizin ndërmjet 25-30 gradë Celsius.
Indeksi UV do të jetë i lartë në intervale të shkurta kohore. Do të fryjë erë e lehtë dhe lokale e fortë nga drejtimi i perëndimit dhe veriperëndimit./21Media