Parisi mbjell 170 mijë pemë për përmirësimin e cilësisë së ajrit
Parisi është një metropol urban me ndotje të tepërt të ajrit. Tani, kryeqyteti francez po kërkon të përmirësojë klimën e qytetit duke mbjellë 170 mijë pemë të reja.
”Pemë të tjera do të mbillen kudo ku ka ende hapësira, përgjatë rrugëve, shesheve, parqeve dhe madje edhe përgjatë unazës së qytetit”, njoftoi administrata bashkiake.
Pemët shtesë do të mbillen deri në vitin 2026. Gati 14 mijë pemë të reja tashmë janë shtuar në sezonin e parë të mbjelljes 2020-21.
Pemët thithin dyoksidin e karbonit (CO2), përmirësojnë cilësinë e ajrit dhe ndihmojnë në ftohjen e qytetit gjatë valëve të nxehta të verës. Përveç kësaj, pemët janë një pengesë natyrore ndaj zhurmës dhe ndotjes vizuale, e cila promovon shëndetin e qytetarëve dhe zvogëlon stresin.
Lexim me zë
Dëshiron ta dëgjosh këtë lajm me zë?