Përfundoi protesta kundër Gjykatës Speciale, Molliqaj: Kjo gjykatë ndjek vetëm krimet që i ka bërë UÇK

Përfundoi protesta e mbajtur sot në Prishtinë kundër dënimit të Sali Mustafës nga Gjykata Speciale, e organizuar nga Partia Socialdemokrate. Me pankarta “UÇK-ja nuk mund të gjykohet”, “Gjykatë Speciale-Padrejtësi Speciale”, “Historia është shkruar, propaganda ka dështuar”, qindra qytetarë e kundërshtuan dënimin e ish-komandantit të UÇK-së, Sali Mustafa nga Gjykata Speciale.
Protesta nisi nga sheshi “Zahir Pajaziti”, e cila vazhdoi te sheshi “Skënderbeu”, në kryeqytet. Në protestë i pranishëm ishte edhe ushtruesi i detyrës së OVL-UÇK-së, Faton Klinaku. Edhe deputetja nga radhët e PDK-së, Ganimete Musliu mori pjesë në protestën kundër Gjykatës Speciale.
Anëtari i PSD-së, Gëzon Kastrati tha se Gjykata Speciale dëshiron ta rishkruajë historinë e UÇK-së duke ja bashkangjitur edhe tri fjalë të tjera, “Ndërmarrje e Përbashkët Kriminale”, derisa tha se dënimi i dhënë nuk është në emër të popullit.
“Historia jonë e vonë është shkru me tre fjalë Ushtria Çlirimtare e Kosovës. Kjo gjykata po don me rishkru këtë histori duke ja bashkangjitë edhe tri fjalë të tjera Ndërmarrje e Përbashkët Kriminale. Plus thonë në emër të popullit. Ne emër të cilit popull? Në emër tim? M’falni por Jo. Le ta din kjo Gjykatë që për neve edhe për gjithë botën kjo histori është shkru veç me tri fjalë. Ushtria Çlirimtare e Kosovës”, tha Kastrati.
Natyra Kuqi nga PSD tha se në Universitetet Botërore është futur një lëndë, ku flitet për krimet e luftës që UÇK nuk i ka bërë anjëherë.
Kuqi kërkoi nga të gjithë të angazhihën në mbrojtje pasi sipas saj kjo Gjykatë po sjell vetëm padrejtësi.
“Na thanë se ska rëndësi çka shkruhet e bëhet, por sot jemi dëshmitarë se në Univeristetet Botërore, UÇK është futur në një lëndë ku flitet për krime luftë. Për çka të rinjtë që kanë lind pas vitit ’99 janë duke e mësuar një landë ku flitet për gjërat që asnjëherë UÇK-ja nuk i ka bërë. Është e rendesishme që historia të mbrohet. Kur mbrohet UÇK mbrohet shtetësia e Kosovës, sepse gurthemeli është UÇK. Kur kriminalizohet UÇK kriminalizohet shteti i Kosovës. Nuk duhet të jemi neglizhentë, por të angazhdohemi në mbrojtje, liri e drejtësi, pasi e vetmja gjë qe po na sillet kjo gjyktaë është padrejtësi. UÇK duhet të mbrohet nga çdokush, UÇK është arsyja pse sot ekzistojmë”, tha Kuqi.
Kryetari i OVL UÇK-së, Faton Klinaku tha se pavarësisht se Kosova është shtet i pavarur, populli po vazhdon me shumë padrejtësi, derisa kërkoi nga Kuvendi të jetë në nivel të detyrës dhe ta ndryshojë ligjin e dhomave të specializuara.
“Gjykata speciale gjykon vetëm shqiptarët dhe jo masakrat që i ka shqiptuar Serbia. Nuk ka gjykatë në botë, e cila merret vetëm me një etni. Kuvendi duhet të jetë në nivel të detyrës dhe ta ndryshojë ligjin e dhomave të specializuara”, tha Klinaku.
Edhe kryetari i PSD-së, Dardan Molliqaj, përshëndeti krerët e UÇK-së që ndodhen në Hagë. Molliqaj tha se duhet të ndërrohet jurediksioni i kësaj Gjykatë, sipas tij, kjo gjykatë ndjek vetëm krimet që i ka bërë UÇK.
“Edhe 23 vite pas çlirimit të Kosovës, çlirimi po ka kosto. Procesi i speciales na ka nxerrë një mësim, liria mund të fitohet një herë por duhet mbrojtur çdoherë sepse në momentin qe nuk mbrohet shtrëmbohet. Kërkesat tona janë të ndrërrohet jurediksioni i kësaj gjykate, kjo gjykatë i ndjek vetëm krimet që i ka bërë UÇK. Nëse duan drejtësi ndjeken krimet, nëse duan padrejtësi ndjek UÇK”, shtoi Molliqaj.
Javën e kaluar, trupi gjykues në Dhomat e Specializuara në Hagë, ka shqiptuar aktgjykim fajësues ndaj ish-pjesëtarit të Ushtrisë Çlirimtare të Kosovës, Salih Mustafa duke e dënuar atë me 26 vjet burgim.
Molliqaj në protestë: Krerët e UÇK-së që janë marrë peng në Hagë
Kreu i PSD-së, Dardan Molliqaj, i cili organizoi protestën e sotme kundër Gjykatë Speciale tha se krerët e UÇK-së që janë arrestuar po mbahen peng në Hagë.
“Më lejoni t’i përshëndes krerët e UÇK-së që janë marrë peng në Hagë. Procesi i Speciales na ka nxjerr edhe një mësim shumë të rëndësishëm. Liria mund të fitohet por duhet të mbrohet”, ka thënë Molliqaj.
Molliqaj ftoi të gjithë të bashkohen për të mbrojtur luftën e UÇK-së.
“Ne s’jemi këtu për t’i dekoruar ata që e kanë kundërshtuar këtë Gjykatë as për t’i fajësuar ata që e kane votuar. Ata që e kanë votuar këtë gjykatë nën presionin për kaizen e trafikut të organeve sot duhet ta kundërshtojnë më shumë se ata që e kanë kundërshtuar në fillim”, tha ai
Nis protesta kundër Gjykatës Speciale
Ka nisur protesta kundër Gjykatës Speciale, e cila është e organizuar nga Partia Social Demokrate.
Protesta mbahet pas dënimit me 26 vjet burg të ish-komandantit të UÇK-së, Salih Mustafa nga kjo gjykatë.
Në mesin e protestuesve janë parë edhe deputetë si Hisen Berisha, Ganimete Musliu, Ariana Musliu Shoshi të PDK-së dhe Rasim Selmanaj i AAK-së.
08: 22- Protestë kundër Gjykatës Speciale
Partia Socialdemokrate sot (e shtunë) mban protestë në Prishtinë kundër Gjykatës Speciale pas dënimit të ish-komandantit të UÇK, Salih Mustafa.
Kryetari i PSD-së, Dardan Molliqaj në konferencë për medie të hënën, tha se kjo protestë është e domosdoshme, pasi në Hagë po tentohet të shtrembërohet historia.
“Ftoj secilin qytetarë të Republikës së Kosovës, secilën organizatë shoqërore dhe politike që me datën 24 dhjetor, ditë e shtunë në sheshin ‘Zahir Pajaziti’ në orën 14:00 të bashkohemi në protestë për të marshuar drejt sheshit ‘Skënderbeu’ dhe për të adresuar kërkesat tona karshi institucioneve të Kosovës dhe për të dëshmuar që dënimi që është shqiptuar në Dhomat e Specializuara në Hagë nuk është në emrin tonë”, tha ai.
Partia Socialdemokrate (PSD) i ka dërguar gjithashtu shkresa deputetëve të Kuvendit të Kosovës që të nisin procedurat për amendamentimin e Ligjit për Dhomat e Specializuara në Hagë.
Lideri i PSD-së, tha se Gjykata Speciale po tenton të tjetërson historinë e Kosovës.
“Tash ka një tendencë që ka marrë rrugëtim për shtrembërimin e historisë së Kosovës”, deklaroi Molliqaj.
Javën e kaluar, trupi gjykues në Dhomat e Specializuara në Hagë, ka shqiptuar aktgjykim fajësues ndaj ish-pjesëtarit të Ushtrisë Çlirimtare të Kosovës, Salih Mustafa duke e dënuar atë me 26 vjet burgim.