Përfundon numërimi i votave nga diaspora, me kusht dhe me nevoja të veçanta

Në Qendrën e Numërimit dhe Rezultateve të shtunën ka përfunduar numërimi i votave nga diaspora, me kusht dhe atyre me nevoja të veçanta për balotazhin e zgjedhjeve lokale.

Përmes një njoftimi në Facebook nga Komisioni Qendror i Zgjedhjeve është thënë se nga 8 mijë e 932 pako të aprovuara, mbi 3 mijë janë refuzuar për shkak të mungesës të dëftesës së regjistrimit.

KQZ ka bërë të ditur se të hënën procesi i numërimit do të vazhdojë për një pjesë të pakove që janë tërhequr nga kutitë postare në ShBA dhe Australi. /21Media