Përplasen vetura e autobusi në Slivovë, pesë të lënduar dërgohen në QKUK

Pesë persona kanë pësuar lëndime pas një aksidenti mes një veture dhe një autobusi në fshatin Slivovë-Ferizaj.

Shoferi i veturës dhe katër pasagjerët janë lënduar, të cilët pas trajtimit mjekësor në emergjencën e Ferizajt katër të lënduar janë dërguar në QKUK.

“Me datën 17.10.2025 në ora 18:17 në rrugën magjistrale, fshati Slivovë-Ferizaj Aksident trafiku me lëndime trupore ku në këtë aksident trafiku ishin të përfshira dy automjete: një veture dhe një autobus me targa vendore me shoferët M.SH.K. Veç dëmeve materiale lëndime trupore pësojnë shoferi i veturës dhe katër pasagjeret, te cilët pas trajtimit mjekësor në emergjencën e Ferizajt, katër persona dërgohen ne Q.K.U.K-Prishtinë për trajtim të mëtutjeshëm mjekësor”, ka konfirmuar për portalin rtv21.tv zëdhënësi i Policisë për rajonin e Ferizajt, Kanun Veseli.

Ndërkohë, Blerton Jakupi nga LDK-ja në Ferizaj ka thënë se pesë të lënduarit janë anëtarë të Komisionit Komunal Zgjedhor. Në Facebook të shtunën ka shkruar se një prej të lënduarve është në gjendje kome.