17 të lënduar nga përplasja e dy trenave në Danimarkë
(Lajm i përditësuar)
17 të lënduar nga përplasja e dy trenave në Danimarkë
Dhjetëra njerëz janë lënduar si pasojë e përplasjes mes dy trenave kokë më kokë pranë kryeqytetit danez, Kopenhagë, të enjten, njoftoi policisë vendëse.
Mediat vendëse raportuan se 17 njerëz u lënduan, katër prej tyre rëndë, pas përplasjes së trenave në Gribskov, rreth 40 kilometra në veri të Kopenhagës.
Policia e quajti përplasjen “aksident serioz”, por një zëdhënës i policisë i tha AFP-së se të gjithë udhëtarët u evakuuar nga trenat.
Përplasje trenash në Danimarkë, disa të plagosur rëndë
Një përplasje trenash në Danimarkë ka lënë të paktën katër persona në gjendje kritike pasi dy trena u përplasën në linjën hekurudhore Gribskov në Zelandën Veriore.
Siç raportoi transmetuesi danez DR, aksidenti ndodhi pranë Kagerupit herët në mëngjes, kur trenat u përplasën ballë për ballë. Policia tha se shërbimet e emergjencës u dërguan menjëherë në vendngjarje, ku operacionet e shpëtimit po vazhdojnë ende, me të paktën 60 ekipe ndërhyrjeje të përfshira.
Autoritetet rajonale shëndetësore thanë se të paktën katër persona janë në gjendje kritike ndërsa të tjerë kanë pësuar lëndime. “Të gjithë të plagosurit janë transportuar nga vendi i aksidentit me ambulanca dhe një helikopter”, tha Shërbimi i Emergjencës i Kryeqytetit në një postim në rrjetin social amerikan X.
“Pasagjerët që nuk janë të lënduar fizikisht janë mbledhur në një pikë grumbullimi”, shtoi ai.
Kryetarja e bashkisë Gribskov, Trine Egetved tha se disa nga të plagosurit janë transportuar me helikopter drejt spitalit “Rigshospitalet”.