Persona të armatosur vrasin adhuruesit katolikë

Ka shkuar në 50 numri i të vrarëve në një kishë katolike në jugperëndim të Nigerisë, pas një sulmi të armatosur që u krye të dielën.
Presidenti Muhammadu Buhari tha se “vetëm djajtë nga rajoni i poshtëm” mund ta kishin bërë këtë “akt të poshtër”.
Burrat e armatosur hynë në kishën katolike të Shën Françeskut në qytetin Owo gjatë një shërbese të së dielës. Ata qëlluan në kongregacion dhe më pas rrëmbyen një prift si dhe disa vizitorë të tjerë të kishës.
Nigeria ka përjetuar një rritje të dhunës në muajt e fundit.
Rrëmbime dhe sulme janë raportuar në të gjithë vendin, transmeton rtv21.tv.
MEgjithatë, asnjë shifër për numrin e të vrarëve ose të rrëmbyerve në sulmin gjatë festës së krishterë të Rrëshajëve nuk është konfirmuar zyrtarisht.
Dy javë më parë, dy priftërinj katolikë u rrëmbyen në Katsina, shteti i lindjes së Presidentit Muhammadu Buhari në veri të vendit. Ata nuk janë liruar.
Në mars, persona të armatosur shënjestruan lidhjen jetike hekurudhore midis Abuja-s dhe qytetit verior të Kaduna-s, duke vrarë të paktën nëntë persona dhe duke rrëmbyer dhjetëra të tjerë, shumë prej të cilëve janë ende në mbajtje./21Media