Policia kërkon ndihmë për identifikimin e dy grave që dyshohen për vjedhje

Policia e Kosovës ka kërkuar ndihmë e qytetarëve në identifikimin e dy grave të dyshuara për vjedhje.

Policia ka publikuar edhe fotot e të dyshuarve, ndërsa vjedhja ka ndodhur në Prishtinë.

“Sektori i hetimeve të Kryeqytetit me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personave që shihen në fotografi. Personat e dyshuar kërkohen për përfshirje në një rast, Vjedhje”, thuhet në njoftimin e policisë.