Policia konfirmon nxjerrjen e trupit të pajetë të personit që ra në bunar në Lybeniq
(Lajm i përditësuar)
Policia konfirmon nxjerrjen e trupit të pajetë të personit që ra në bunar në Lybeniq
Pas disa orësh kërkime është gjetur trupi i personit që ka rënë në gropën e bunarit në fshatin Lybeniq të Pejës.
Lajmin për portalin rtv21.tv e ka konfirmuar zëdhënësi i policisë për rajonin e Pejës, Fadil Gashi.
“Ju njoftojmë se është nxjerr trupi i viktimës nga bunari. Vdekjen e ka konstatuar ekipi mjekësor”, tha Gashi.
Në përpjekjet për ta nxjerrë personin nga gropa e bunarit përveç policisë dhe zjarrfikësveka ka bërë edhe një njësit i Forcës së Sigurisë së Kosovës.
Kurse në konfirmimin fillestar për këtë rasti Gashi për portalin rtv21.tv tha se personi ka rënë gjersa kanë qenë duke u zhvilluar punimet për hapjen e bunarit, në afërsi të varrezave të fshatit. /21Media
Përpjekjet për ta nxjerrë personin që ra në bunar në Lybeniq, përfshihet edhe FSK
Përpjektjet për shpëtimin e personit që ra në gropën e bunarit, në fshatin Lybeniq të Pejës, janë duke vazhduar.
Zëdhënësi i policisë për rajonin e Pejës, Fadil Gashi për portalin rtv21.tv ka thënë se përveç policisë dhe zjarrfikësve, tashmë përpjekje për nxjerrjen e tij po bën edhe një njësit i Forcës së Sigurisë së Kosovës.
Në konfirmimin paraprak Gashi ka bërë të ditur për portalin rtv21.tv se personi ka rënë gjersa kanë qenë duke u zhvilluar punimet për hapjen e bunarit, në afërsi të varrezave të fshatit. /21Media
Një burrë bie në gropën ku po hapej bunari në Pejë, ende s’dihet për gjendjen e tij
Një person ka rënë në një gropë ku po hapej një bunar në Lypeniq të Pejës.
Rastin për portalin rtv21.tv e ka konfirmuar zëdhënësi i policisë për rajonin e Pejës, Fadil Gashi për këtë rast, tha se në vendin e ngjarjes kanë dalë edhe zjarrfikësit dhe njësitet tjera kompetente.
Gashi shtoi se deri më tani ende nuk dihet për gjendjen e tij shëndetësore.
“Rreth orës 14:30 minuta, Policia është njoftuar nga një qytetar se në fshatin Lybeniq, gjersa kanë qenë duke u zhvilluar punimet për hapjen e një bunari, në afërsi të varrezave të fshatit, ka rënë një person”, tha ai për portalin rtv21.tv /21Media
Dëshiron ta dëgjosh këtë lajm me zë?