Aktivistëve të VV-së u vazhdohet masa e arrestit shtëpiak

Arresti shtëpiak për katër aktivistët e VV-së vazhdon deri më 28 gusht

Adea Batusha, Egzon Haliti, Frashër Krasniqi dhe Atdhe Arifi, u është vazhduar arresti shtepiak deri më 28 gusht.

Në një njoftim nga Lëvizja Vetëvendosje bëhet e ditur se gjyqtari Beqir Kalludra ka vendosur që ta vazhdojë, siç thotë VV  “padrejtësinë ndaj aktivistët të cilët po mbahen që 10 muaj në arrest shtëpiak”. Sipas VV-së,duke ua vazhduar arrestin deri më 28 gusht, bëhet 1 vit mbajtje në arrest nën akuza që VV i quan të montuara politike për aktivistët Adea Batusha, Egzon Haliti, Frashër Krasniqi dhe Atdhe Arifi.

“Vendimi i gjykatës është kopje e atij të dy muajve më herët. Kjo kopje tregon për dëshirën për t’i mbajtur aktivistët brenda dhe jo për të vendosur drejtësi. Në vendimin e kaluar shkruante se ata mbahen për shkak se në agjendë politike është çështja e demarakacionit dhe se lirimi i tyre mund ta paraqiste rrezik. Njëjtë, edhe në vendimin e sotëm, shkruan ashtu, pavarësisht ndryshimit të rrethanave dhe se kjo çështje nuk është më në agjendë” thuhet më tej në njofimin e VV-së.

Sipas VV-së, heqja e lirisë për katër aktivistë të rinj, krejt të pafajshëm se për çka akuzohen, tregon për një shtet me drejtësi të shpërfytyruar. VV thotë se ata po mbahen pa fakte.

“I vetmi fakt në lidhje me mbajtjen e tyre është dëshira e pushtetit nga qeveria e kaluar.Lirimi sa më parë i tyre është shenjë për çlirim të drejtësisë. Deri atëherë, ata janë prova e një shoqërie që funksionin me diktat.” thuhet në njoftim./21Media