Curaçao, vendi më i vogël në historinë e Botërorit, sfidon Gjermaninë

Me një sipërfaqe prej vetëm 444 km² dhe 160,000 banorë, ishulli i Karaibeve, Curaçao, do të zbresë sot në fushë kundër Gjermanisë në “Lincoln Financial Field” të Filadelfias.

Kjo do të jetë ndeshja e parë historike në një Kampionat Botëror për këtë vend, i cili është zyrtarisht vendi më i vogël që ka arritur ndonjëherë të kualifikohet në këtë kompeticion.

Nga “mos-ekzistenca” në skenën e madhe

Rilindja e shpejtë: Kombëtarja e Curaçao-s u njoh nga FIFA vetëm në vitin 2011, pas shpërbërjes së Antileve Holandeze në vitin 2010. Brenda 15 vitesh, ata kaluan nga mos-ekzistenca në përballjen me gjigantët gjermanë.Strategjia me lojtarët e diasporës: Nga 26 futbollistët e ftuar, vetëm Tahith Chong ka lindur në ishull. Të tjerët kanë lindur dhe janë rritur në Holandë, por kanë origjinë nga Curaçao.Trajneri Dick Advocaat: Trajneri i njohur holandez, 78-vjeçari Dick Advocaat, ndërtoi një rrjet të suksesshëm duke bindur talentet që nuk gjenin hapësirë te Holanda. Nën drejtimin e tij, Curaçao pati një fushatë fantastike kualifikuese në CONCACAF, duke mbetur e pamoshtur në 10 ndeshje (shtatë fitore, tri barazime).

Curaçao ndodhet në një grup tejet të vështirë me Gjermaninë, Ekuadorin dhe Bregun e Fildishtë.

Ndonëse në letër misioni duket i pamundur, “Vala e Kaltër” hyn në këtë Botëror pa pasur asgjë për të humbur dhe e mbështetur nga një popull i tërë mes Karaibeve dhe diasporës në Holandë.

Ndeshja do të fillojë në ora 19:00.