FSK pjesë e Konferencës së Ushtrive Evropiane që po mbahet në Gjermani

Forca e Sigurisë së Kosovës po merr pjesë në Konferencën e Ushtrive Evropiane, e cila po mbahet në Gjermani.

Në këtë konferencë ushtrua e Kosovës po përfaqësohet nga zëvendëskomandanti i FSK-së, Gjeneral Major Enver Cikaqi, po merr pjesë në Konferencën e Ushtrive Evropiane.

Sipas njoftimit të FSK-së, kjo konferencë është ndër ngjarjet kryesore të Ushtrisë Amerikane për Evropë dhe Afrikë (U.S. Army Europe and Africa) e nivelit të lartë të gjeneralëve, që drejtohet nga SHBA-të, dhe shfrytëzohet si platformë për bashkërendim të bashkëpunimit për siguri dhe mbrojtje.

“Oficerë të lartë ushtarakë, komandantë të forcave tokësore dhe përfaqësues të tjerë të vendeve aleate dhe partnere evropiane me SHBA-të, shfrytëzuan konferencën për të diskutuar sfidat e sigurisë në Evropë, rajon dhe më gjerë. Konferenca është iniciativë që promovon bashkëpunimin dhe përmirësimin e marrëdhënieve në mes të ushtrive në Evropë”, thuhet në njoftimin e FSK-së.