Milaim Zeka për Kurtin: E ka bo këtë vend si një sulltanat
(Lajm i përditësuar) Milaim Zeka për Kurtin: E ka bo këtë vend si një sulltanat Analisti Milaim Zeka në emisionin “Click” në RTV21 kujtoi vitin e kaluar kur LVV-ja për 46 herë propozoi dhe votoi Alb
(Lajm i përditësuar)
Milaim Zeka për Kurtin: E ka bo këtë vend si një sulltanat
Analisti Milaim Zeka në emisionin “Click” në RTV21 kujtoi vitin e kaluar kur LVV-ja për 46 herë propozoi dhe votoi Albulena Haxhiun për kryetare të Kuvendit.
“E pastaj kanë hy në vota pa qenë prezent 82 deputetë. O, këta çka s’kanë bo! Këta e kanë interpretu Kushtetutën sipas orekseve të veta, ligjet. Me të vërtetë, ky e ka bo sikur një vend sulltanat këtu “, tha ai, duke shtuar se pas tetorit vendi mund të hyjë në një anarki totale, të cilën e cilësoi si të rrezikshme.
Milaim Zeka: Kurti e ka gjet pin kodin e popullit shqiptar nënanalfabet
Analisti Milaim Zeka në emisionin “Click” në RTV21 tha se lideri i LVV-së, Albin Kurti, e ka gjetur “pin kodin” e popullit shqiptar.
“Ti kur shkon e fut kartelën në bankë, bankomat, pa i dit katër shifrat e tua, a i nxjerr paret? Nuk i nxjerr. Ky e ka gjet pin kodin e popullit shqiptar, i cili popull është nënanalfabet, popull që i jep 20 mijë euro për syneti të djalit e s’i ka dy libra në shtëpi, një popull që muzikë tallava gjithë natën çohet në këmbë e kërcen, një popull që s’i intereson që Prishtina s’ka teatër”, tha ai.
“Ky popull është totalisht i palexueshëm, shikoj lopët e gjalla çka shkruajnë…”, shtoi Zeka.
Milaim Zeka për Kurtin: Nëse ky ‘talibani’ e kap drejtësinë, njerëzit kanë me ik si në kohën e Millosheviqit
Analisti Milaim Zeka në emisionin “Click” në RTV21 tha se, nëse partia në pushtet, konkretisht lideri i saj Albin Kurti, e merr edhe sistemin e drejtësisë, atëherë njerëzit do të ikin nga Kosova.
“Nëse ky ‘talibani’ e kap drejtësinë, njerëzit kanë me ik si në kohën e Millosheviqit”, tha ai.
Më tej ai pati kritika edhe për ambasadat evropiane në Kosovë, duke i quajtur hipokrite.
“Këto reagime janë të pafytyra, ambasadori gjerman i kaluari ndryshe i thotë në zyrë Albin Kurtit, në darkë ndryshe, ambasadori francez dy qëndrime, ambasada amerikane 10 qëndrime. Pse? Se kanë shfrytëzu Albinin, po e shfrytëzojnë jashtëzakonisht mirë vakumin, krisjen e marrëdhënieve mes BE-së, sidomos Francës dhe Gjermanisë, me administratën e Trump. Kurtin e dinë shumë mirë se kurrë nuk ka qenë ma antiamerikan”, tha ai.
“A e di çka po thuhet nëpër kafenetë e Prishtinës? Se krejt i ka të koordinume me bashkësinë ndërkombëtare”, tha ai.
Analisti Milaim Zeka në emisionin “Click” në RTV21 komentoi deklaratën e Arbëreshë Kryeziut të LVV-së lidhur me gjykatësit serbë.
“E para, me fol Arbëreshë Kryeziu për Vuçiqin, për gjykatësit, është sikur me fol personazhi i famshëm i Ramiz Lladrovcit, ‘Dada Razë’, për atomet në fizikë. D.m.th. kjo është qaq budalllicë sa që nuk merr vesh as për proceset, as në gjyqësi, totalisht. Krejt atë bandën e budallëve Albini i qet për me parapërgatit një narracion”, tha ai, duke shtuar se diktatorët krijojnë narracion të frikës. Përmendi këtu Hitlerin dhe Millosheviqin.
“Mi thanë dikujt që serbët e Mitrovicës janë rrezik për Kosovën, këto nuk i han asnjë njeri normal”, tha ai.
Kur iu përmend edhe reagimi i Adriana Matoshit nga LVV-ja, Zeka me ironi tha tha se është koka më gjeniale e LVV-së./RTV21/21Media
Kolona të gjata te Dheu i Bardhë, pritjet në hyrje deri në dy orë
Aktgjykimi i arsyetuar: Vrasja e Liridona Ademajt u inskenua si grabitje, motivi ishte përfitimi pasuror
Aktgjykimi i arsyetuar: Vr*sja e Liridona Ademajt u inskenua si grabitje, motivi ishte përfitimi pasuror
Haxhiu: Janë dokumentuar 12 mijë e 230 viktima të luftës në Kosovë
Janina Ymeri “proteston” ndaj vendimit të Kuvendit të LDK’së që i obligon deputetët t’i zbatojnë vendimet e partisë
Deputetëve iu dërguan ftesat për seancës konstituive të Kuvendit, ja edhe rendi i ditës
Më të fundit
Të gjitha →
Xhudoja kosovare shkëlqen në Tiranë, nëntë medalje dhe ekipi më i mirë nga 10 shtete
Italia e ka bërë gati listën ‘finale’ të qyteteve pritëse të EURO 2032
Kontrolle në parkingje në disa komuna, evidentohen shkelje të shumta fiskale
