NLB Banka sjell Apple Pay për klientët e saj në Kosovë

Një mënyrë më e lehtë dhe më e sigurt për të paguar me iPhone, Apple Watch, iPad,
Mac dhe Apple Vision Pro.

Prishtinë, 30 korrik 2025 — NLB Banka dje sot sjell Apple Pay për mbajtësit e kartelave të
saj në Kosovë. Apple Pay është një mënyrë e lehtë, e sigurt dhe private për të paguar
në dyqan, brenda aplikacionit dhe në internet.

Për të paguar në dyqan, klientët thjesht klikojnë dy herë butonin anësor, autentifikohen
dhe mbajnë iPhone ose Apple Watch-in e tyre pranë një POS terminali për të realizuar
një pagesë pa kontakt. Çdo blerje me Apple Pay është e sigurt sepse autentifikohet me
Face ID dhe Touch ID, si dhe me një kod sigurie dinamik, unik një herësh. Apple Pay
pranohet në dyqane ushqimore, farmaci, restorante, kafene, dyqane me pakicë dhe
shumë vende të tjera që pranojnë pagesa pa kontakt.

Lançimi i Apple Pay është një hap kyç në udhëtimin tonë strategjik për të udhëhequr në
inovacionin digjital dhe për t'iu ofruar vlerë të jashtëzakonshme klientëve tanë. Duke
integruar teknologjinë e përparuar me komoditetin e përditshëm, ne i bëjmë pagesat
tona të sigurta dhe u lejojmë klientëve tanë të menaxhojnë financat e tyre me më
shumë lehtësi dhe besim – në çdo kohë, kudo.

Klientët gjithashtu mund të përdorin Apple Pay në iPhone, iPad, Mac dhe Apple Vision
Pro, për të bërë blerje më të shpejta dhe më të përshtatshme në aplikacione ose në
internet pa pasur nevojë të krijojnë llogari ose të shkruajnë vazhdimisht informacionin e
kontaktit, detajet e kartelës ose informacionin e transportit dhe faturimit.

Siguria dhe privatësia janë në thelb të Apple Pay. Kur klientët përdorin një kartelë krediti
ose debiti me Apple Pay, numrat aktualë të kartelës nuk ruhen në pajisje, as në serverat
e Apple. Në vend të kësaj, caktohet një Numër Unik i Llogarisë së Pajisjes, i koduar dhe
i ruajtur në mënyrë të sigurt në Secure Element, një çip i çertifikuar sipas standardit të
industrisë, i projektuar për të ruajtur informacionin e pagesës në mënyrë të sigurt në
pajisje.

Apple Pay është i lehtë për t'u konfiguruar. Në iPhone, thjesht hapni aplikacionin Wallet,
prekni '+' dhe ndiqni hapat për të shtuar kartelat e kreditit ose debitit të NLB Banka.
Pasi një klient shton një kartë në iPhone, Apple Watch, iPad, Mac dhe Apple Vision Pro,
ata mund të fillojnë të përdorin Apple Pay në atë pajisje menjëherë.
Klientët do të vazhdojnë të marrin të gjitha shpërblimet dhe përfitimet e ofruara nga
kartelat e NLB Bankës.

Për më shumë informacion mbi Apple Pay, vizitoni: https://nlb-kos.com/sq/apple-pay
Për më shumë informacion mbi NLB Bankën, ju lutemi vizitoni https://nlb-kos.com/