Spanja fiton Kupën e Botës, mposht Argjentinën në finale

Spanja është kampione e re e botës. “La Roja” ka triumfuar në finalen e madhe të Kupës së Botës 2026, duke mposhtur Argjentinën dhe duke ia marrë kurorën kampionit në fuqi.

Finalja në stadiumin “New York New Jersey” ishte e tensionuar dhe pa fitues pas kohës së rregullt, ndërsa drama vazhdoi edhe në vazhdime. Spanja ishte skuadra që kërkoi më shumë dhe u shpërblye në minutën e 106-të.

Golin e titullit për spanjollët e realizoi Ferran Torres. Sulmuesi përfitoi nga një aksion i bukur i nisur nga krahu i majtë, ku Nico Williams dërgoi një asistim perfekt në zonë, ndërsa Torres e dërgoi topin në rrjetë për 1:0.

Spanja kishte gjetur rrugën drejt golit edhe më herët në vazhdime, kur Nico Williams realizoi në minutën e 99-të, por goli u anulua pas ndërhyrjes së gjyqtarit për shkak të faullit të Mikel Merinos ndaj Nicolás Otamendit.

Pas avantazhit të Spanjës, Argjentina u hodh në sulm në kërkim të golit të barazimit. Kampionët në fuqi provuan deri në fund për ta rikthyer finalen, por mbrojtja spanjolle qëndroi solide dhe nuk lejoi ndryshimin e rezultatit.

Kështu, Spanja shkruan një kapitull të ri në historinë e futbollit botëror, duke ngritur trofeun më të rëndësishëm të futbollit për herë të parë pas një finaleje dramatike, ndërsa Argjentina largohet nga froni pas triumfit në Botërorin e kaluar.

“La Roja” e mbyll një kampionat fantastik me kurorën e botës, ndërsa Ferran Torres dhe Nico Williams mbeten protagonistët kryesorë të natës së madhe spanjolle.

Spanja vetëm një hap larg trofeut, shënon për 1-0 ndaj Argjentinës

Spanja ka kaluar në epërsi 1:0 në finalen e Kupës së Botës 2026, duke gjetur më në fund golin e shumëpritur në minutën e 106-të të vazhdimeve.

Heroi i momentit ishte Ferran Torres, i cili realizoi pas një aksioni të ndërtuar bukur nga e majta. Nico Williams depërtoi me shpejtësi dhe dërgoi një asistim të saktë në zonë, ku Torres nuk gaboi, duke e dërguar topin në rrjetë dhe duke zhbllokuar sfidën në stadiumin “New York New Jersey”.

Goli erdhi pasi Spanja kishte dominuar pjesën më të madhe të finales, madje në fillim të vazhdimeve iu anulua një gol i Nico Williams për shkak të një faulli të Mikel Merinos ndaj Nicolás Otamendit. Këtë herë, megjithatë, spanjollët nuk lanë vend për dyshime, me Ferran Torres që shfrytëzoi në mënyrë perfekte asistimin e Williams për t’i dhënë avantazhin “La Rojas”

Finalja e Botërorit pa fitues në kohën e rregullt, Spanja dhe Argjentina në vazhdime

Nuk ka fitues pas 90 minutave në finalen e madhe të Kupës së Botës 2026 mes Spanjës dhe Argjentinës. Koha e rregullt u mbyll me rezultatin 0:0, duke bërë që fituesi i trofeut më prestigjioz në futboll të përcaktohet pas vazhdimeve.

Spanja ishte skuadra më e mirë gjatë pjesës më të madhe të takimit, duke kontrolluar posedimin e topit dhe duke diktuar ritmin e lojës. “Furia e Kuqe” krijoi rastet më të mira për shënim, por nuk arriti të gjejë rrugën e rrjetës përballë mbrojtjes së organizuar të Argjentinës.

Në pjesën e parë, spanjollët krijuan dy raste të rrezikshme, ndërsa Argjentina u përgjigj kryesisht përmes kundërsulmeve.

Edhe në pjesën e dytë Spanja vazhdoi të ishte më këmbëngulëse në sulm. Rasti më i mirë u regjistrua në minutën e 65-të, kur Dani Olmo depërtoi drejt zonës dhe provoi me një goditje të rrezikshme, por nuk arriti ta dërgonte topin në rrjetë.

Argjentina, në anën tjetër, u përqendrua kryesisht në mbrojtje dhe tentoi të godiste në tranzicion, por pa krijuar raste të pastra përballë portës së Simonit.

Pas 90 minutave pa gola, finalja mbetet plotësisht e hapur dhe fituesi i Kupës së Botës 2026 do të përcaktohet në dy pjesët shtesë prej nga 15 minutash. Nëse baraspesha vazhdon edhe pas vazhdimeve, kampioni i ri i botës do të vendoset përmes ekzekutimit të penalltive.

Pjesa e parë mbyllet me Spanjën në kontroll të lojës

45 minuat e para janë dukur mjaft mirë për Spanjën, pasi gjërat kanë shkuar kryesisht sipas planit. La Roja ka dominuar përsëri posedimin e topit (deri në gati 65%) dhe ngadalë e ka testuar mbrojtjen e Argjentinës. Nuk pati shumë raste në këtë ndeshje derisa Spanja e rriti presionin afër pjesës së parë dhe filloi të bëhej pak më e mprehtë me pasimet dhe lojën e saj, pavarësisht mbrojtjes së mirë të Albiceleste .

Nëse gjërat vazhdojnë kështu, do të pritej që Spanja të shënonte e para, por Lionel Scaloni ndoshta do t’i ndryshojë gjërat sa më shumë që gjërat shkojnë më thellë dhe sa më shumë që duket sikur asgjë nuk po funksionon për skuadrën e tij. Trajneri i Argjentinës është i gatshëm të marrë rreziqe – ata me siguri ia kanë vlejtur këtij turneu deri më tani – kështu që mund të jemi pak më të hapur në pjesën e dytë, veçanërisht më vonë.

Sot vendoset kampioni i botës, Argjentina dhe Spanja po përballen në finale

Ka nisur finalja e shumëpritur e Kampionatit Botëror, ku Argjentina dhe Spanja po luftojnë për trofeun më prestigjioz të futbollit botëror.

Të dyja përfaqësueset kanë hyrë në fushë të vendosura për të shkruar histori, ndërsa miliona tifozë anembanë botës po ndjekin me interes përballjen që pritet të kurorëzojë kampionin e ri të botës.