Rahoveci kampion i Kosovës për herë të dytë
Rahoveci është kampion i Kosovës në hendboll në konkurrencë të meshkujve. Titullin e dytë rresht Rahoveci e fitoi të enjten mbrëma në palestrën “Bill Clinton” në Ferizaj. Në finalen e dytë të plejofit
Rahoveci është kampion i Kosovës në hendboll në konkurrencë të meshkujve.
Titullin e dytë rresht Rahoveci e fitoi të enjten mbrëma në palestrën “Bill Clinton” në Ferizaj. Në finalen e dytë të plejofit, Rahoveci e mposhti Kastriotin vendas me rezultat 34:32.
Rahovecasit e kanë fituar edhe finalen e parë, të dielën.
Ndeshja e dytë ishte dramë e vërtetë. Mysafirët ishin në epërsi të lehtë thuajse gjithë kohën. Por ferizajasit nuk u dorëzuan. Në minutën e 54-t shënuan për 23:22.
Më pas u shkëputën edhe në dy gola, 24:22. Humbën sulmin për shkëputje prej tri golave dhe Rahoveci u kthye. Egzon Gjuka shënoi fare në fund për 26:26.
Ndeshja shkoi në vazhdime nga pesë minuta. Lojtarët e Rahovecit shfaqën më shumë dhe fituan në fund 34:32.
Gjuka e Alban Haziri i shënuan nga shtatë gola te Rahoveci. Nga pesë i shtuan Mali Luzha e Arbios Mushkolaj, ndërsa gjashtë gola, katër nga penalltia, i realizoi Victor Alonso.
Te Kastrioti nëntë gola i shënoi Deniz Terziqi. Pesë i kishte Lulzim Shabani e gjashtë Yassine Henahen, pesë prej tyre nga penalltia. Pritje të shumta sërish kishte Wadi Chebbi.
Trofeun e kampionit, kapitenit të Rahovecit, Egzon Vuqitërna, ia ndau presidenti i FHK-së, Edin Kolgeci.
Medaljet e arta dhe të argjendta i ndanë nënkryetari i FHK-së, Xhavit Morina dhe anëtari i bordit të FHK-së, Eugen Saraçini.
Kontrolle në parkingje në disa komuna, evidentohen shkelje të shumta fiskale
UEFA humb besimin te Infantino, paralajmëron masa ndaj udhëheqjes së FIFA-s
Partneri i Katy Perry-t, Justin Trudeau, mbështet këngëtaren nga afër në Sunny Hill Festival
Kurti thirrje BE-së dhe SHBA-së: Serbia të deklasifikojë dokumentacionin e krimeve të luftës
Vd*q një person, dyshohet se u rrëzua sa ishte i dehur
Gashi: LDK-në nuk e ndal askush, nuk e frikëson as presioni nga jashtë dhe as sfidat nga brenda
Më të fundit
Të gjitha →Nga Shqipëria drejt tregjeve ndërkombëtare, automjetet ush*arake “Made in Albania” do të eksportohen në 30 shtete
Po kërkoni të notoni? Ja 11 këshilla për të qëndruar të sigurt në ujërat e hapura
Haziri: Nëse Vetëvendosje ka vullnet, LDK i mbyllë për 24 orë të gjitha çështjet
