Rama kërkon sqarime nga Kurti për SHBA-në: Besimi është vënë në pikëpyetje
Kryetari i Prishtinës, Përparim Rama, ka reaguar lidhur me zhvillimet e fundit në marrëdhëniet mes Kosovës dhe Shteteve të Bashkuara të Amerikës, duke shprehur shqetësim për pezullimin e Dialogut Stra
Kryetari i Prishtinës, Përparim Rama, ka reaguar lidhur me zhvillimet e fundit në marrëdhëniet mes Kosovës dhe Shteteve të Bashkuara të Amerikës, duke shprehur shqetësim për pezullimin e Dialogut Strategjik me Kosovën.
Rama ka theksuar se, në kohën kur SHBA-ja ka nisur Dialogun Strategjik me Serbinë, i cili përfshin fusha si energjia, siguria, infrastruktura, teknologjia dhe mbrojtja, bashkëpunimi i nivelit të lartë me Kosovën mbetet i ndalur.
Sipas tij, në raport me Serbinë janë përcaktuar fusha të reja bashkëpunimi dhe investimesh afatgjata, ndërsa ndaj Kosovës është përcjellë një mesazh ndryshe.
“Brenda pak ditësh, Shtetet e Bashkuara kanë bërë të qarta prioritetet e tyre në raport me Serbinë dhe Kosovën. Me Serbinë ka nisur Dialogu Strategjik, ndërsa me Kosovën partneriteti strategjik mbetet i pezulluar”, ka shkruar Rama.
Ai ka rikujtuar edhe deklaratat e ish-ambasadorit amerikan në Kosovë, Jeffrey Hovenier, për dëmtimin e imazhit të Kosovës në Uashington, duke kërkuar përgjigje nga kryeministri në detyrë, Albin Kurti.
“Si ka mundësi që marrëdhëniet me Shtetet e Bashkuara kanë arritur në një pikë ku besimi është vënë në pikëpyetje?”, ka pyetur Rama, duke e cilësuar situatën aktuale si një nga periudhat më të vështira në raportet mes Kosovës dhe aleatit të saj kryesor.
Gashi: LDK-në nuk e ndal askush, nuk e frikëson as presioni nga jashtë dhe as sfidat nga brenda
Haziri: Nëse Vetëvendosje ka vullnet, LDK i mbyllë për 24 orë të gjitha çështjet
Vazhdon rritja e çmimit të naftës, sot një litër kushton 1.77 euro
Edhe sot qarkullimi i kamionëve mbi 20 tonë është i kufizuar në autostradë
Temperatura përvëluese sot në Kosovë
Sot dhe nesër mot me diell dhe temperatura të larta deri në 36 gradë
Më të fundit
Të gjitha →Nga Shqipëria drejt tregjeve ndërkombëtare, automjetet ush*arake “Made in Albania” do të eksportohen në 30 shtete
Po kërkoni të notoni? Ja 11 këshilla për të qëndruar të sigurt në ujërat e hapura
Katy Perry e vendos flamurin e Kosovës në “hapësirë”
